صور.. السيسى يشارك أبناء الشهداء احتفالية عيد الفطر.. الرئيس يجدد العهد

جدد الرئيس عبدالفتاح السيسي، تأكيده على عدم التخلى عن أبناء وبنات شهداء

جدد الرئيس عبدالفتاح السيسي، تأكيده على عدم التخلى عن أبناء وبنات شهداء

ومصابى مصر.

وقال الرئيس السيسى فى كلمته التى وجهها لأسر الشهداء خلال احتفالية عيد الفطر المبارك بمركز المنارة للمؤتمرات: "كل سنة وأنتم طيبين جميعا واسمحولى أن أشكركم لأنكم موجودين معانا النهاردة".

وأضاف الرئيس فى كلمته: "بشكركم مش باسمى بس، ولكن باسم كل مصرى، مش عاوز أقول كلام صعب فى اليوم ده، لكن عاوز أقول إن الشهداء دول والمصابين قدموا أرواحهم عشان إحنا نعيش "اوعوا تفتكروا إن التمن ده بسيط لا والله، لما يبقى فيه 100 مليون فى أمان وسلام لأجل خاطر أبناء وأزواج يقدموا أرواحهم ده أمر ربنا وحده اللى هيكافئ عليه".

وتابع الرئيس: كل سنة وأنتم طيبين، وجودنا مع بعض دلوقتى رسالة لينا كلنا وللشعب المصرى كله، وكل مواطن يعرف إن فى اليوم ده لا يمكن أبدا لا هننسى ولا هنتخلى عنكم، ده كلام مش بنقوله علشان إحنا مع بعض، لا هننسى ولا هنتخلى عن أبناء وبنات مصر الشهداء و المصابين، وهتجدونا دايما موجودين والدولة موجودة، منتظر هذا اللقاء معكم، وسعيد قوى والله، وأتمنى إن إحنا نكون أدخلنا جزءا يسيرا من البهجة والسعادة عليكم كلكم وولادى الصغيرين وأحفادى، مختتما كلمته: "كل سنة وأنتم طيبين وعيد سعيد عليكم".

كرم الرئيس عبدالفتاح السيسي، رئيس الجمهورية، عددا من أبناء شهداء القوات المسلحة والشرطة، خلال الاحتفال بعيد الفطر المبارك، بمركز المنارة للمؤتمرات.

وكان الرئيس السيسى رحب بأبناء الشهداء، خلال مشاركتهم الاحتفال بعيد الفطر المبارك، قائلا: "كل سنة وأنتم طيبين ومنورين الدنيا كلها سعدنا وفرحنا ومليتوا الدنيا بركة، وأنا منتظر اليوم ده من شهور والله".

يشار إلى أن الرئيس عبد الفتاح السيسي، رئيس الجمهورية، أدى صلاة عيد الفطر المبارك بمسجد المشير طنطاوى فى حضور كبار رجال الدولة، بحضور كبار رجال الدولة فى مقدمتهم فضيلة الإمام الأكبر أحمد الطيب، شيخ الأزهر، وعلى عبد العال رئيس مجلس النواب، والدكتور مصطفى مدبولى رئيس مجلس الوزراء، والفريق محمد أحمد زكى، وزير الدفاع.