بعد نشرها قصة تخلي خطيبها عنها يوم فرحها، تلقت نهال
بعد نشرها قصة تخلي خطيبها عنها يوم فرحها، تلقت نهال
خطيبة مصطفى الشهير بأبو تورته، هدايا وعروض من محلات وفنادق وأماكن شهيرة، تعويضا عن الصدمة التي تعرضت لها.
خطيبة مصطفى الشهير بأبو تورته، هدايا وعروض من محلات وفنادق وأماكن شهيرة، تعويضا عن الصدمة التي تعرضت لها.
وتلقت نهال هدية طقم شبكة من محل مجوهرات شهير، كما تلقت عرضًا من مطعم شهير بمدينة نصر بتقديم عشاء مجانى لنهال وأسرتها بالكامل مجانًا، كما عرض عليها أحد الفنادق بمدينة دهب الإقامة به مجانًا، بجانب الكثير من الهديا والعروض الأخرى، فضلا عن الدعم المعنوي الذي تلقته من جمهور مواقع التواصل الاجتماعي.
من جانبها علقت نهال على العروض قائلة: "يا جماعة انا مش عايزه هدايا ولا اي حاجه عمر ما وجعي وكسرت قلبي تتداوي بهدايا.. رجعولي يوم خطوبتي وتجهيزاتي قبلها وفرحتي بفستان وحتي فرحتي بيه هو.. كل ده طلع كدب كل ده وهم..هدايا ايه بس ال بتتكلمو فيها..انا كل شوية الصدمة تتجدد عندي".
شهدت مواقع التواصل الاجتماعي، خلال الساعات الماضية، حالة من الجدل بعد نشر فتاة تدعى نهال قصة انفصالها عن خطيبها "مصطفى" الذي تركها بإحدى قاعات الأفراح، ورحل بعدما أخذ "التورتة"، بحجة مرض خاله، بعد ذلك خرج الشاب ليبرر موقفه، وهو ما اعتبره رواد السوشيال ميديا تبريرا غير منطقي.
بداية القصة
نشرت الفتاة منشوراً عبر صفحتها على موقع "فيس بوك" سردت فيه كل تفاصيل هروب الشاب "مصطفى"، وهو ما أثار حالة من الجدل بين السخرية والغضب.
وقالت الفتاة: أنا كان مقري فتحتي زي ما كله عارف على مصطفى وخطبتي كانت يوم السبت، اللي فات المفروض كان بينا مشاكل زي أي اتنين عاديين مع مامته بقى وخلافات بتحصل أول ما أطلب حاجة وقولت دا عادي بيحصل بس اللي متخيلتش إنه يحصل إنه يسيبني في القاعة لوحدي.. اتفاجئت إنه مش عازم صحابه ولا قرايبه كلهم وحسيت في حاجة غلط حتى مامته وأخته مفيش.. واحدة فيهم جت باركتلي وقولت أمشي اليوم”.
وأضافت: كل ما أقوله فين الشبكه اللي هنلبسها يقوللي أصل اتكب عليها شربات أصل وقع جاتوه عليها.. طب خليها بعد البوفية وكلام كله غريب كدا لحد ما دخلنا بعد البوفية لقيت أهله كلهم مشيوا.. وقال إيه خالوا تعب! فيقوم أهله كلهم يمشوا وأنا في القاعة لوحدي بدور عليه الاقيه بيصرخ برا ويقول خالي عيان وبيلطم وحاجات غريبة كدا وأنا اقسم بالله ما مستوعبة اللي بيحصل هو في واحد خاله عيان عيلته كلها بتمشي الستات اختفوا بس كانو بيهزروا فوق نسوا العيان”.
وأضافت: "والأنيل إننا اكتشفنا إنهم أخدوا التورت معاهم طب مش خالك عيان.. أخدتوا التورت معاكم ملبستنيش شبكة.. وقبل كل دا بأيام جالي البيت وأخد التوينز بتاعت قراية الفاتحة بحجة إنه عايز يلبسني كله مرة واحدة في القاعة وأنا هبلة وافقت مجاش في بالي للحظة واحدة انه هيعمل فيا كدا".
واختتمت الفتاة بقلب موجوع: دلوقتى حبه أقول كل دا عشان ايه؟ كان ممكن ننهي بالمعروف من غير أذى نفسي ليا.. كان ممكن تسترجل وتيجي تقولي يلا نفركش وكنت لغيت الخطوبة.. مش جي وبترقص وتقولي محضرلك مفاجأة.. وفي نيتك تعمل فيا كدا.. حسبي الله ونعم الوكيل".
من جانبه قام الشاب "مصطفى" بالرد على منشور الفتاة، قائلاً: "حلو الشو ده صعبتي عليا، بس ولو حابه تتكلمي إحكي للناس اللي حصل من البداية".
وردت عليه الفتاة قائلة: "اتعلم الرجولة وابقى تعالى كلمني أو اشرب بريل".
أول ظهور لمصطفى
بعد ذلك خرج مصطفى في مقطع فيديو يبرر موقفه قائلا: "بالنسبة للناس اللي بتقول مصطفى خد التورتة وقلب، أنا مقلبتش ده مبدئيًا موضوع الذهب أنا رجعتهم أنا كنت جايب الجرام بـ 625 جنيه، وغلى بقى سعره 775 كانت مصلحة بنت حرام".
وأضاف أبوتورتة" أنا مش كده ده كان عيد ميلاد خالي ومجاش الفرح وكان لازم أدخل عليه بحاجة عشان الناس اللي بتتريق وفرحانة بمصطفى أبو تورتة.. أنت لو جاتلك مصلحة الدهب دي لازم تبيع أى حد".
#مصطفي_ابوتورته يتصدر السوشيال ميديا
وأثارت القصة سخرية نشطاء على مواقع التواصل، حيث أطلقوا هاشتاج "#مصطفي_ابوتورته"، وانهالوا على الشاب بالألفاظ الخارجة بعد أن أبدوا تعاطفهم مع الفتاة.
ونرصد لكم بعض التعليقات على القصة:
-مصطفي تورته يهز جبال.. بس انت غني وقول موال.
- بكرة يقعد يتفرج على أخته وعلى حيحصلها !
-كلنا بندعي عليك يامصطفي ابو تورتة.
- بعد كده العروسة تروح بتورتتها الدنيا مبقاش فيها امان.
-الشباب مبقاش ليهم أمان.. كلكم مصطفي ابو تورته.
التعليقات