أعرب الإعلامي عمرو أديب، عن استيائه الشديد، بعد الهزيمة الثقيلة التي
أعرب الإعلامي عمرو أديب، عن استيائه الشديد، بعد الهزيمة الثقيلة التي
مني بها فريق الزمالك أمام نظيره الأهلي، بثلاثية نظيفة خلال المباراة التي جمعتهما مساء اليوم الإثنين، باستاد القاهرة، في ختام منافسات الدور الأول لبطولة الدوري العام.
وقال أديب، ببرنامجه "كل يوم" المذاع عبر فضائية "ON E"، "إنها نفس المباراة التي أشاهدها منذ 50 عامًا، نفس المعلقين اللي أغلبهم أهلاوية، ونفس التعليقات، لكن ما أغضبني الهزيمة المرة 3/0.. الزمالك لم يفز على الأهلي منذ 2007.. حدث ثورتين ومليون حرب والإخوان مشيوا والدنيا اتغيرت، وعملنا 100 كوبري، وتفريعة قناة السويس، ومظاهرات إيران ولكن الزمالك لم ينجح في الفوز على الأهلي".
وتابع "دي لعنة.. أمي دعت عليا وقالت روح يا ابني يارب تبقى زمكاوى.. أشياء كثيرة تغلبت عليها في حياتي.. كنت تخين خسيت.. إلا الزمالك.. هل فيه فريق في الدنيا لديه الحظ المهبب ده.. لا تغيروا المدرب ولا العيبة.. غيرونا إحنا غيروا الجمهور لنستريح.. اللي بيتعمل في الزمالك دا حرام.. الظاهر الغريبة إنك كزملكاوي تتغلب ومتفتحش بوقك".
وأضاف: "المرار مش بيشربوا غير الزملكاوية.. دا حرام ومش عدل، والواحد المفروض أنه يبل ريقه عشان يعرف إنه على حق لبعض الوقت.. بس على طول ضرب ضرب.. هو مفيش حاجة تاني؟".
وواصل غاضبًا: " تعبنا بقا فيه إيه!.. أنا بجد مش فاهم، النادي متبهدل، وأكيد فيه سبب وفيه حاجة غلط.. إنه نادي غريب والعيب مش فى النادى ولا الإدارة ولا اللاعبين.. العيب فيا أنى مُصر ومتعذب..أنا إنسان محب للحياة وفى آخر حياتى ومركب دعامة.. خلاص مش ناقص كمان مجدى عبد الغنى يقتحم المحطة ويقول لى بعد الهدف الثالث لسه كمان .. دا اسمه تحرش"
التعليقات