وجه الكاتب الصحفي والإعلامي الشهير، يسري فودة، رسالة «قاسية» إلى
وجه الكاتب الصحفي والإعلامي الشهير، يسري فودة، رسالة «قاسية» إلى
الرئيس عبد الفتاح السيسي، انتقد فيها سياساته المتعلقة بعدم الاعتماد على برنامج انتخابي، وعدم اهتمام شخصيات تشغل مناصب رفيعة بالدولة، مثل الدكتور علي عبد العال، رئيس البرلمان، بالأحكام القضائية.
وجاء نص الرسالة كالتالي:
إلى عبد الفتاح السيسي
تحية كاريوكا و بعد،
(معقول يسري فوده يستخدم لغة زي دي؟) معلش بقى ما أنت قلبت كل حاجة في مصر مسخرة، من يوم ما شخطت فينا و قلت: "برنامج انتخابي إيه؟!" إلى يوم ما وقفت وسط القضاة في جنازة النائب العام تشخط فيهم و تبهدلهم عشان يلاقولك حل، إلى يوم ما خليت عبد العال بتاعك يقول إن أحكام القضاء هي و العدم سواء.
شكرتك لما اتحركت لإنقاذي كمواطن مصري بعد حادث طريق، و كنت عارف أنك هترفض طلبي بدفع فاتورة الطيارة اللي نقلتني عشان يستفيد منها ناس تانية واضح أنها ماتهمكش. اتبرعت بالمبلغ للغلابة عشان أريح ضميري، و الأهم من كده عشان الرسالة توصلك واضحة. أهديتك وقتها في المقابل حاجتين: مجلد مجموعة تحقيقات "سري للغاية"، و قطعة جلدية ناشفة من بيادة عسكري مصري من ضحايا 67 مخلوط فيها آثار الدم بالعرق بالرمل. تقدر تحتفظ بالمجلد. الحاجة التانية دي أنا عايزها بعد إذنك. ما تزعلش مني: أنت لا تستحقها.
إحنا عارفين و أنت عارف أنك حرقت وراك كل المراكب من زمان، و أنك مالكش خط رجعة. عارفين كلنا، و فاهمين تصرفاتك على هذا الأساس. المشكلة أننا عارفين أن أنت عارف أن مفيش للطريق ده غير نهاية واحدة محفوظة. فيلم ممل شوية، بس رعب الاحتمالات المتاحة هيموتك كل يوم 20 مرة.
التعليقات